Die landbougemeenskap skud die vere reg vir die tweede jaarlikse Nampo Kaap-landbouskou wat 4 tot 6 September op Bredasdorp Park in die Overberg aangebied sal word.
Lees Meer
Hierdie week lê Nasie in Gesprek besoek af by Brits in die Noordwes provinsie waar ons die veelsydige beet gaan beetpak. Tydens hierdie episode leer ons meer oor hierdie baie veelsydige voedselsoort. Het jy al byvoorbeeld beetskyfies beetgekry?
Hierdie week se episode van Nasie in Gesprek is die eerste van twee spesiale episodes wat op die hoogtepunte van die 2019 uitgawe van die grootste landboukundige gebeurtenis op die landboukalender, NAMPO Oesdagfees fokus.
Hierdie week lê Nasie in Gesprek besoek af by die voetheuwels van die Drakensberge in die Oos-Kaap. Tydens hierdie episode leer ons meer oor die bosboubedryf waar plantasies asook ‘n spaanderbordfabriek op die kortlys is van plekke wat in dié episode besoek word.
Die Suid-Afrikaanse sitrusindustrie het die afgelope paar jare ‘n groot omdraai beleef en Nasie in Gesprek kyk die week na hoe dié industrie dit bewerkstellig het. Ons kuier in Limpopo, in die Letsitele-streek en lê besoek af by Du Roi, die grootste sitruskwekery in Suidelike Afrika.
Dis baie lewendig hierdie week by Nasie in Gesprek. Dit is omdat ons die lewendehawebedryf bespreek wat ‘n baie groot deel van ons voedselinname uitmaak. En in die vierde episode van die nuwe reeks van Nasie in Gesprek wat Donderdag, 25 April om 18:00 op kykNET uitgesaai word, kyk ons ‘n bietjie nader na hierdie interessante bedryf.
Vanjaar was dit tyd vir die 13de Senwes Jongboer Toekomsfokus wat op Dinsdag, 13 September 2016, by Nampo Park naby Bothaville plaasgevind het.
Kry nou die Nasie in Gesprek toepassing in die onderskeie app stores en neem deel aan die gesprek. Soos beloof het hierdie toepassing alles wat ‘n kranige landbou fanatikus nodig het om deel te wees van elke paneelbespreking tydens Nampo 2016.
Nasie in Gesprek is weer dié jaar by NAMPO Oesdag om aktuele kwessies in die landbousektor te bespreek. Suid-Afrika se top denkleiers trek saam om ‘n stem vir die produsent en sy sleutelvennote te gee, asook gesprekke met Suid-Afrikaanse verbruikers aan te moedig en te stimuleer.
Nasie in Gesprek het reeds in 2013 begin met die eerste produksies wat by die Nampo Oesdag as Senwes Toekomsfokus Gespreks-forum afgeskop het. ʼn Afrikaanse insetsel is op die Dagbreek-program uitgesaai.