Lizelle Lee, Masabata Klaas en Tazmin Brits is ingesluit by die toerspan wat vanaf 31 Augustus skouers sal skuur met hul Windiese eweknieë.
Krieket Suid-Afrika (KSA) het vroeër aangekondig dat dié toer oor ʼn reeks Eendag-en Twintig20-internasionale wedstryde beslis sal word. Hierdie wedstryde sal almal in Antigua gespeel word met die bekende Sir Viv Richards Krieketgronde wat as die gasheer vir die T20-segment sal dien. Die Eendagreeks sal op die Coolidge-krieketgronde beslis word.
Volgens KSA sal hierdie toer as waardevolle voorbereiding dien in die aanloop na volgende jaar se wêreldbeker toernooi vir vroue in Nieu-Seeland. Na afloop van die aankondiging van die toerspan, het die Momentum Proteas-hoofafrigter, Hilton Moreeng, gesê dat dié toer die span se terugkeer na mededingende krieket – na ʼn baie lang periode sonder enige speeltyd, verteenwoordig.
Wedstryde sal vanaf 31 Augustus tot en met 19 September gespeel word.
So lyk die toerspan
- Dane van Niekerk
- Lizelle Lee
- Laura Wolvaardt
- Sune Luus
- Mignon du Preez
- Marizanne Kapp
- Chloe Tryon
- Thrisha Chetty
- Shabnim Ismail
- Ayabonga Khaka
- Nonkululeko Mlaba
- Lara Goodall
- Tazmin Brits
- Tumi Sekhukhune
- Masabata Klaas
- Nondumiso Shangase
- Sinalo Jafta
- Nadine de Klerk
Lizelle Lee
Tazmin Brits
Masabata Klaas.